منابع خبری از توزیع رایگان صدها هزار جلد شاهنامه فردوسی در تاجیکستان خبر می‌دهند.
به گفتۀ این منابع، ولایت خودمختار کوهستانی بدخشان تاجیکستان و نواحی تاجیک‌آباد، لخش و رشت در شرق این کشور، از جمله ولایت‌هایی اند که این اثر ادبی گرانسنگ در آنها توزیع شده است.
شاهنامه فردوسی که به خط سیریلیک نگارش یافته است، قرار است در میان یک میلیون و 700 هزار خانواده تاجیکستانی به صورت رایگان اهدا گردد.
هدف از این اقدام دولت تاجیکستان آشنایی بیشتر مردم تاریخ وادب و فرهنگ کهن و تقویت روحیۀ میهن دوستی عنوان شده است.
به نقل از منابع خبری، این اثر نفیس تاریخی و ادبی توسط انتشارات «شرق آزاد» که یک نهاد وابسته به دفتر ریاست جمهوری تاجیکستان است در تیراژ سه‌میلیون و چهارصد هزار جلد به چاپ رسیده است.
این در حالی است که امامعلی رحمان، رئیس‌جمهور تاجیکستان، در قوس ۱۴۰۲ خورشیدی در همایشی بین‌المللی تجلیل از صد و پانزدهمین سالگرد تولد آکادمیسین باباجان غفورف، نویسندهٔ کتاب «تاجیکان» برگزار شده بود، صادر کرد.
